Mutsuriykuna

1) Yayapa, mana kashpaka mamapa, shukpak rantimantapash cédulata mañankami.

2) Yachakukpa cédula yupaytapash mañankami. (Shinapash mana rikchaktaka mañankachu)

3) Maypi kawsakukta yachankapakka luz pankata, mañankami.

WILLAY: Particularmanta, fiscomisionalmantapash fiscalman yallichinkapakka yachakukpak ñawpa yachana wasipak libretata mañankami. Chayka puchukay yachana watamantami kana kan.

 

Killkankapak ñanta rikuchina

1. Cédula puchukay yupay chay punchapak mana kakpika mana ima ruranata ushankachu. Shina kakpika, mana wawapa shutita killkachinata usharinkachu.

2. Llankak runaka tukuy yachakukpa willaykunata chaskinkami. Shina rurashpami mañayta paktachinkami. Shina: wawkipura, ñañapurachu, pani-turi kashkata; ima llakikunata charishkata, karumanta shamuk kashkatapash.

 

Shutita killkana tukurinamanta

Yachakukpa rantiman shuk pankata kunkami. Kay killkashka pankami kipa ima rurana tukunapash yanapankami. 

 

Shuktak killkariykuna.

1) Karu mamallaktaman rishkakuna: shuktak karu mamallaktaman rishkakuna, mamallaktapa yachana wasiman yaykunata munakkunaka maykan pataman yaykunallami kan. tutamanta yachachik, chishi yachachik yachana wasikunamanpash yaykunallami kan. shuktak pankakunamanta hawa, may yachakukushka, chay puchukay patapi yachakushka pankata apamuna kan. shuktak mamallaktapi kamachishka pankami kana kan.

Killkanpak rik punchakunami, chay yachakukkunaka, karu mamallaktamanata pamushka pankakunata kuchun, rikuchichun nina kan.

Kay karu mamallaktamanta apamushka panka shuk shimikunapi kakpika, ñukanchik castellano shimiman tikrachinami kan; kay tikrachishka pankataka distrito wasipimi ña killkarishka kipa chayachina kan.

Ñukanchik Ecuador mamallaktaka ishkay shuktak mamallaktakunawan llankankapak wankuriykunata charin:

• Andrés Bello: Bolivia, Chile, Colombia, México, Cuba, España, Panamá, Paraguay, Perú, Venezuela y Argentina. 
• Mercosur: Argentina, Bolivia, Brasil, Colombia, Chile, Paraguay, Perú, Uruguay y Venezuela.

Ishkay ruraykuna rikurin:

1 Ruray.- Yachakukkua kamachishka pankakuna, castellano shimiman tikrachishka, wankurishka mamallaktakunamanta shamuk pankakunata charin(Bolivia, Chile, Colombia, México, Cuba, España, Panamá, Paraguay, Perú, Venezuela y Argentina, Brasil y Uruguay), shina kakpika ña maykan pataman rikuk patapi pi kashpapash ña killkanalla kan. kipa punchakunami, shuktak mamallaktapi yachakushkata chaskichun, ari nichun, ña distrito wasiman rishpa mañana kan.

2 Ruray.- shuk yachakuk, shuktak mamallaktakunamanta shamukpi, mana wankurishka mama llaktakunamanta shamukpi, pankakunapash mana kamachishka kakpika. Yachakukka chay mamallaktapa llankak wasiman rishpa, chay pankakunata kamachichina kan, shina rurashka kipa ña killkachinkapak rina kan. kipa punchakunami, shuktak mamallaktapi yachakushkata chaskichun, ari nichun, ña distrito wasiman rishpa mañana kan. shinallatak tukuy pankakuna mana castellano shimipi kakpika castellano shimiman tikrachina kan.

3 Ruray.- Shuk yachakuk mana ima pankakunatapash charikpika, shuk taripayta rurana kan; kay taripaykunata, tapuykunatapaka shuk yachana wasipi, 16, 17 punchakuna, julio killapi, 2015 watapimi rurana kan. Yayamamakunaka 10 punchapi, julio killapi, 2015 watapi: http://juntos.educacion.gob.ec pankaman yaykushpami maykan yachana wasipi, ima pachapimi kay tapuykunata ruranata rikuna, yachana kan.

 2) Yachaymanta llukshishka yachakukkuna, kimsa watakamanpash kutik yachayman tikranallami kan.  chaypakka puchukay yachakushka pankata apana kan.

Shuk yachakuk mana ima pankakunatapash charikpika, shuk taripayta rurana kan; kay taripaykunata, tapuykunatapaka shuk yachana wasipi, 16, 17 punchakuna, julio killapi, 2015 watapimi rurana kan. Yayamamakunaka 10 punchapi, julio killapi, 2015 watapi: http://juntos.educacion.gob.ec pankaman yaykushpami maykan yachana wasipi, ima pachapimi kay tapuykunata ruranata rikuna, yachana kan.

3) Imapash unkuywan kak yachakukkuna: wañukuk, mana kashpaka imapash llakikunawan yachakukkuna yachakunkapak yaykunallami kan, shinapash, charishpaka umata taripashka pankata, CONADIS pankata kuna , apana kan, shinapash chay panka illakpash rinallami kan.

4) Ima llakipipash urmanalla: imamantapash ima llakikunapi urmanalla yachakukunaka mana shuk yachana wasipilla yaykuyta ushankuna. Shina: imamantapash shuk yachakuk mana maymanpash riyta ushakpi, mana shuktak yachana wasiman rinalla kakpi. Shina kakpika maykan kamachik apukpa, wasipa killkashka pankata rikuchina kan, chay pankata kuna, mañana kan. shina kakpika ashtawan yanapayta kuna, ashtawan rikurayashpa yachachina kan. kayshina yachakukkunamanka allí akllashpa yachana wasitaka rikuchina kan.

5) Mitikumushkakuna: maykan yachakukkuna, paykunapa mamallaktapi imapash llakikuna tiyakpi, kay ñukanchik Ecuador mamallaktaman shamushka kakpika; maykan patapipash tutamanta yachachik, chishi yachachik yachana wasikunapi chaskinallami kan. 

• Kikin kayta rikuchinkapak imapash pankakunata kunalla kan( shuktak mamallaktamanta shamushka, kay mama llaktapi chaskishka, chaskichun mañashka pankakunata kuna kan)
• Mana kikin pankataka mañana kanchu, kay yachakukkunaka mana charinkachu.
• Maypi kawsakta yachankapak, achikmanta kullkita kushka pankata mañana kan.

Wawkipurakunamanta

Shuk wawki ña mamallaktapa yachana wasipi yachakukukpika, shuktak wawkitaka, chay yachana wasimanllatakmi kachana kan; shinapash chay muyuntik yachana wasikunapillatami kana kan, shinallatak chay katik yachana patatapash charina kan. 

Shuk wawkipura, kallarimanta mamallakta yachana wasiman yaykunkapak munakpika, shuk yachana wasipilla chaskina kan; shinapash mana chay pachallapi churayta ushankachu. Kay yanapaykunaka pakta kawsak wawkikunapakmi kan.